
خیبرپختونخوا کے جیلوں میں بند قیدیوں کیلیے اسکل ڈویلمپنٹ پروگرام جاری
پشاور:وزیراعلیٰ خیبرپختونخوا کی ہدایت پر جیل میں موجود قیدیوں کیلیے اسکل ڈویلپمنٹ پروگرام جاری ہے۔وزیراعلیٰ خیبرپختونخوا کے ترجمان فراز مغل نے اپنے ایک بیان میں کہا کہ وزیر اعلی خیبرپختونخوا علی امین گنڈاپور کی ہدایات پر خیبرپختونخوا کے جیل خانہ جات میں سکیل ڈیولپمنٹ پروگرام جاری ہے۔فراز مغل نے لکھا کہ پروگرام کے تحت جیلوں میں قیدیوں کو مختلف ہنر سکھائے جاتے ہیں، ہنر میں کپڑوں کی سلائی، چپلی کی بنواٹ اور دستکاری شامل ہے اور مرد اور خواتین قیدیوں کو یکساں ہنر سکھایا جارہا ہے۔انہوں نے بتایا کہ جیلوں میں قیدی مختلف مصنوعات تیار کرتے ہیں، ان مصنوعات کو فروخت کرکے رقم قیدیوں کو ڈیجیٹل کھاتوں میں منتقل کی جاتی ہے۔