Official Website

سپریم کورٹ کا ایک ماہ میں کراچی میں عمارت تجوری ہائٹس گرانے کا حکم

50

کراچی سپریم کورٹ رجسٹری میں ریلوے اراضی پر عمارت تجوری ہائٹس کی تعمیر کے کیس کی سماعت ہوئی۔ سپریم کورٹ نے ایک ماہ میں تجوری ہائٹس کا اسٹرکچر گرانے کا عمل مکمل کرنے کا حکم دے دیا۔وکیل رضا ربانی نے کہا کہ الاٹیز سے معاملات حل کرنے اور اسٹرکچر منہدم کرنے کیلئے مہلت چاہئے، میرے موکل جگہ خالی کرنے کو تیار ہیں۔سپریم کورٹ نے کمشنر کراچی کو انہدام کی نگرانی کرنے کا حکم دیتے ہوئے بلڈر کو ریکارڈ اور دیگر سامان نکالنے کی اجازت دے دی اور ہدایت کی کہ الاٹیز کو تین ماہ میں معاوضہ ادا کیا جائے۔